Захирлын мэндчилгээ
Бидний тухай
Манай “Стратус” компани Монгол Улсад 2006 оноос хойш тасралтгүй үйл ажиллагаа явуулж байгаа туршлагатай хамт олон билээ. Бид анх аялал жуулчлалын салбарт тур операторын чиглэлээр ажиллаж эхэлсэн бөгөөд үйл ажиллагааныхаа хүрээг жилээс жилд өргөжүүлсээр өдгөө хүнс үйлдвэрлэлийн салбарт өөрийн гэсэн орон зайг буй болгоод байгаа юм.
Манай компани Монголын аялал жуулчлалын холбоо, Монголын хүнсчдийн холбооны гишүүн байгууллагын хувьд үйл ажиллагаа явуулдаг салбарынхаа хөгжилд өөрийн хувь нэмрийг бодитойгоор оруулж, үйлчилгээний чанарыг эрхэмлэн ажилладаг.
Аялал жуулчлалын салбарт 12 жилийн турш тасралтгүй үйл ажиллагаа явуулахдаа бид дэлхийн өнцөг булан бүрээс жуулчдыг хүлээн авч Монголын үзэсгэлэнт байгаль, давтагдашгүй түүх, нүүдэлчдийн соёл, ахуй амьдралтай танилцуулах аяллыг зохион байгуулж ирлээ. Сонирхолтой аяллын хөтөлбөр санал болгож чаддаг манай компаниар үйлчлүүлсэн хэн боловч үйлчилгээний соёл, чанарт сэтгэл хангалуун буцдаг нь бидний нэг бахархал.
Хүнсний салбарт ч бидэнд бусдаас ялгарах давуу тал олон бий. Хамтран ажиллагсдын маань ололт амжилт, алдаа дутагдал аль аль нь бидэнтэй холбоотой хэмээн үздэг учраас бүхий л үйл ажиллагаан дээр нягт ажиллахыг зорьдог. Тиймээс хамтрагчдынхаа үйл ажиллагаанд тус болох зорилгоор ИРЕКС үйлдвэрийн технологич, мэргэжилтнүүдийг урьж туршлага солилцох сургалтуудыг явуулахын зэрэгцээ технологийн дэмжлэг үзүүлэх ажлыг тогтмол хийж хэвшлээ. Мөн манай технологич нар ИРЕКС үйлдвэрт ур чадвараа дээшлүүлэх боломжтой. Энэхүү харилцан туршлага солилцох ажиллагаа нь бидний давуу тал болж үйлдвэрлэж буй бүтээгдэхүүний нэр төрөл, чанарт сайнаар нөлөөлдөг юм.
Компанийн хэтийн зорилт
Монгол Улсын аялал жуулчлал болон хүнсний салбарт өөрийн гэсэн үнэтэй хувь нэмрийг бодитойгоор оруулах.
Компанийн эрхэм зорилго
Бизнесийн ёс зүйг дээдэлсэн, хариуцлагатай, найдвартай, тогтвортой үйл ажиллагаатай итгэлтэй түнш байх.
МАНАЙ ХАМТ ОЛОН
ХАМТРАН АЖИЛЛАГЧ КОМПАНИ
2010 оноос дэлхийн хүнсний салбарын тэргүүлэгчдийн нэг, ХБНГУ-д төвтэй 90 оронд хэрэглэгчтэй, 150 гаруй жилийн баялаг түүхтэй “ИРЕКС” үйлдвэрийн Монгол дахь албан ёсны дилерээр сонгогдсоноор талх, нарийн боов зэрэг гурилан бүтээгдэхүүний баяжуулсан хольцыг Монголын зах зээлд амжилттай нэвтрүүлсэн. Бидний үйл ажиллагааны үр дүнд хүнсний бүтээгдэхүүний нэр төрөл олширч, чанар дээшилснээр хүн ардын эрүүл мэндэд чухал ач холбогдолтой эрдэс бодисыг баяжуулсан хүнсээр дамжуулан авах боломжийг бүрдүүлсэн.
Тус компаний үйл ажиллагааны үндсэн чиглэл нь наранцэцэгийн үр боловсруулах бөгөөд орчин үеийн технологи бүхий тоног төхөөрөмжөөр бүрэн тоноглогдсон, үйлдвэрлэлийн нөөц сайтай. Дээд зэргийн чанартай наранцэцгийн үрийг стандартын дагуу боловсруулж харилцагчдын хэрэгцээ шаардлагыг богино хугацаанд, цаг алдалгүй ханган нийлүүлдэг.
2017 оноос ХБНГУ-ын “WACHTEL” компанитай хамтран ажиллаж эхэлсэн. Дэлхийд чанараараа тэргүүлэгч “WACHTEL” компани нь талх, нарийн боовны үйлдвэрлэлд зориулсан тоног төхөөрөмжийг сайн чанарын зэвэрдэггүй ган төмөр ашиглан хэрэглэгчийн захиалгын дагуу хүссэн загвар, овор хэмжээ, хүчин чадалтайгаар үйлдвэрлэдэг.
2017 оноос ОХУ-ын “ШЕБЕКИНСКИЙ МАШИНОСТРОЙТЕЛЬНЫЙ ЗАВОД” компанийн албан ёсны дилерээр хамтран ажиллаж эхэлсэн. Тус компани нь 30 гаруй нэр төрлийн шарах шүүгээг зах зээлд нийлүүлдэг ба ОХУ төдийгүй СНГ-ийн талх нарийн боовны үйлдвэрлэл эрхлэгчдийн 80% -ийг хангадаг. Тус компанийн талх, нарийн боов, амтлаг гурилан бүтээгдэхүүний үйлдвэрлэлд зориулсан тоног төхөөрөмжийг монголын зах зээлд нийлүүлж эхлээд байна.
2012 оноос ОХУ-ын зах зээлд тэргүүлэгч “ГАММИ” компанийн Монгол дахь албан ёсны дилерээр ажиллаж эхэлсэн. Тус компани нь өөрийн фермийн сүү болон жимсний мод үржүүлгийн газарт боловсруулсан түүхий эдийг ашиглан цэвэр байгалийн гаралтай сүүн болон жимс, жимсгэнийн шанз, дүүргэгч үйлдвэрлэдэг.
БИДНИЙ АМЖИЛТ
2011 онд Хөдөө аж ахуй өрсөлдөх чадварыг судлах нийгэмлэгийн “Салбарын манлай хамт олон” өргөмжлөлийг хүртсэн.
“Үндэсний бизнес хөгжлийн өрсөлдөх чадварт нөлөөлөх шинжлэх ухаан, технологи үйлдвэрлэлийн нэгдэл” НҮТББ-аас олгодог “Монголын манлай” цомын эзнээр 2013, 2014 онд дараалан тодорсон.
2017 онд Хүнс хөдөө аж ахуй Хөнгөн үйлдвэрийн яамны ЖУУХ БИЧИГ –ээр шагнагдсан.
HACCP, ISO 9001:2015, FSSC 22000, IFS Food, OKO-GARANTIE BCS зэрэг чанарын шаардлагаар баталгаажсан ургамлын гаралтай хольцуудыг үйлдвэрлэгчдэд нийлүүлж ӨДӨР БҮР ЭРҮҮЛ ХҮНС уриатай ажилладаг билээ.