Даваа - Баасан ( 8.00 - 17.00 )

ТОВЧ ТАНИЛЦУУЛГА
СТРАТУС ХХК

 “Стратус” компани нь 2006 оноос одоог хүртэл тасралтгүй 12 дахь жилдээ үйл ажиллагаа явуулж байна. Энэ хугацаанд дэлхийн хүнсний салбарын тэргүүлэгчдийн нэг, ХБНГУлсын  ИРЕКС үйлдвэрийн Монгол дахь албан ёсны дилерээр сонгогдсоноор талх, нарийн боов болон гурилан бүтээгдэхүүний баяжуулсан хольцыг Монголын зах зээлд амжилттай нэвтрүүлсэн. Бидний үйл ажиллагааны үр дүнд хүнсний бүтээгдэхүүний нэр төрөл олширч, чанар дээшилснээр хүн ардын эрүүл мэндэд чухал ач холбогдолтой эрдэс бодисыг баяжуулсан хүнсээр дамжуулан авах боломжийг бүрдүүлсэн.

ИРЕКС үйлдвэрийн баяжуулсан хольцууд нь HACCP, ISO 9001:2015, FSSC 22000, IFS Food, OKO-GARANTIE BCS зэрэг чанарын шаардлагаар баталгаажсан ургамлын гаралтай хольцуудыг үйлдвэрлэгчдэд нийлүүлж ӨДӨР БҮР ЭРҮҮЛ ХҮНС уриатай ажилладаг билээ.

МАНАЙ БҮТЭЭГДЭХҮҮН

Талх, талхан бүтээгдэхүүн, печений хольц

Талх, булочка, печений хольц

Цэвэр байгалийн гаралтай, эрүүл мэндэд тустай манай хольцуудыг өөрийн үйлдвэрлэлдээ нэвтрүүлснээр бүтээгдэхүүн тань сайхан үнэр амттай болохоос гадна хүнсний дээд зэрэглэлийн чанартай болж тодорхой чийглэгээ барих чадварыг нь сайжруулна.

Хуурай хөрөнгө

Улаанбуудайн болон хөх тариан гурилан бүтээгдэхүүн үйлдвэрлэхэд хэрэглэх хуурай хөрөнгө. Хөрөнгө бэлтгэх удаан бөгөөд нийлмэл үйл ажиллагаа хялбарчилж өгнө. Зуурмаг зуурснаас хойш 30 минутын дотор нэгэн төрлийн хөрөнгөтэй зуурмаг бэлэн болно.

Соёолж

Найрлагандаа хөх тарианы соёолж, хөх тарианы гурил агуулсан бүтээгдэхүүн. Талх, булочка, нарийн боовны амт үнэрийг нэмэгдүүлэх ба зөөлөн хэсгийн өнгийг илүү хар тод өнгөтэй болгоход тусална. Ус шингээх чадвар ихтэй тул бүтээгдэхүүний гарцыг нэмэгдүүлдэг.

Чанаржуулагч

Чанаржуулагч нь технологийн дэвшилтэт бүтээгдэхүүн бөгөөд бүтээгдэхүүний шинэлэг байдлаа хадгалах хугацааг нэмэгдүүлж, гадаад байдал болон зөөлөн хэсгийн бүтцийг сайжруулан амттай чанартай бүтээгдэхүүн үйлдвэрлэхэд тусална.

Чимэглэгч үр

Талхан бүтээгдэхүүн болон печень булочка зэргийн гадна талыг өнгөлөн чимэглэх зориулалттай хольц. (овъёсны нэвс, маалингийн үр, гүнжидийн үр, наранцэцэгийн үр) Үр нь уураг, нүүрс ус, аминдэм, тос, эрдэс бодисыг их хэмжээгээр агуулсан бүтээгдэхүүн юм.

Хөөлгөгч

Гуриланд жигд тархсан хөөлгөгчийн үйлчлэлээр хөвсгөр, сэвсгэр бүтэц бүхий бүтээгдэхүүн бий болгоно. Зөвхөн шарах шүүгээнд байх хугацаанд хөөлгөөд зогсохгүй бэлэн бүтээгдэхүүний найрлаганд орж чанарыг сайжруулна.

Булочка, амтат талх, пирог

Дээд зэргийн чанартай, зөөлөн хэсгийн сийрэгжилт нь тэгш бүтэцтэй, өнгө үзэмж сайтай, сайхан амт үнэртэй, шинэлэг байдлаа удаан хадгалах бүтээгдэхүүн үйлдвэрлэнэ.

Бүрэгч гель

Бүх төрлийн чихэрлэг болон талх талхан бүтээгдэхүүн, жимсний гадаргууг өнгөлөх зориулалттай желатинтай гель

Круассан

Давхраат бүтээгдэхүүн /тэргүүн/ болон круассан үйлдвэрлэхэд зориулагдсан хольц. Хурдан бөгөөд энгийн аргаар давхраатын зуурмаг бэлтгэх бөгөөд бүтээгдэхүүнд хүссэн давхрааг сайн үүсгэдэг.

Бялуу болон амтат бүтээгдэхүүний хольц

Бялуу, кекс, печень

Бүтээгдэхүүний нэр төрлийг олон болгох зорилгоор жимс, хатаасан жимс, шоколад, үзэм, самар зэрэгтэй хамт хэрэглэхэд тохиромжтой. Сайхан амт үнэр, өнгөөрөө ижил төрлийн бүтээгдэхүүнээс ялгарах болно.

Торт, муссе торт

Байгалийн гаралтай түүхий эдийг агуулсан уг бүтээгдэхүүн нь тухайн нэр төрөл бүрдээ тохирсон жимсний амтыг бий болгож кремийг тогтворжуулснаар таны амттанг чимэглэх арга ажиллагааг хөнгөвчлөн, өнгө үзэмж нэмнэ.

Өтгөрүүлэгч

Шанзны чийгийг хадгалан өтгөрүүлнэ (жимс, аарц, жимсний чанамал, желе). Найрлагандаа элсэн чихэр, өтгөрүүлэгч агуулсан.

Зайрмагний түүхий эд

Бүтээгдэхүүний бүтэц болон биет байдлыг тогтворжуулна. Зайрмагны чанарыг тогтмол нэг төвшинд байлгахын тулд ашиглана.

Амт, үнэр оруулагч

Шингэн амт, үнэр оруулагч нь бүтээгдэхүүнд жигд тарах давуу талтай. Бэлэн бүтээгдэхүүний үнэр амтыг нэмэгдүүлж илүү тод өнгөтэй болгоно.

Дулаанд тэсвэртэй крем

Бүтээгдэхүүний болон сүүн кремний нэр төрлийг олшруулах боломжтой бөгөөд маслан крем хийхэд тохиромжтой.

Конфитюр

Бүтээгдэхүүнийг шарах, жигнэх явцад жингээ алдахгүй, урсахгүй, хайлахгүй, эхний хэлбэр амт үнэрээ хадгалж зуурмагтаа шингэхгүй байх чадвартай.

Масло

Чанамал гурилан бүтээгдэхүүн хийхэд зориулсан ширгэлт багатай далдуу модны тос.

Сахарын пудр, Сүүн крем

Сүүн крем, торт, пирож чимэглэл байдлаар ашиглах хайлдаггүй сахар агуулсан тусгай түүхий эдүүд.

Стратус ХХК

Манай "Стратус" компани нь 2006 онд байгуулагдсан ба одоог хүртэл үйл ажиллагаа тасралтгүй явуулж байна.